Edhe pse ky sezon ka qenë me luhatje për Genoan, në skuadrën kuqeblu kanë spikatur disa futbollistë mes të cilëve Christian Kouame. Sulmuesi 21-vjeçar ka bërë paraqitje shumë të mira, duke shënuar 3 gola dhe duke dhënë 4 asiste.
Natyrisht që paraqitjet e lojtarit nga Bregu i Fildishtë kanë rënë në sy të klubeve të mëdha, si Roma dhe Napoli, që dëshirojnë ta blejnë atë. Drejtori sportiv i verdhekuqëve, Monchi, i cili është një nga simpatizantët kryesor të sulmuesit, është takuar edhe me agjentin e tij, ndërkohë që Napoli vëzhgon me kujdes situatën.
