Lorik Cana ka folur për një situatë të veçantë të ndodhur në Kombëtare gjatë kohës kur ai ishte pjesë e kuqezinjve. Në një grumbullim të radhës, ish-kapiteni i kuqezinjve ka treguar atë që kishte ndodhur në dhomën e hotelit ku qëndronte me Etrit Berishën.
Loriku i qeshur deklaroi: “Ishim në një grumbullim radhe dhe qëndroja në dhomë me Etrit Berishën. U çova për të shkuar në tualet, por e kisha fikur dritën. Kur u ktheva, mendova se jam pranë shtratit tim dhe aty në terr, nisa të prek me duar krevatin për t’u ulur.
Por, isha te shtrati i Etritit dhe në fund preka e atë. Ai u çua i trembur dhe bërtiti. Mbaj mend që tha: “Aman o burrë se na bëre me zemër. Ju nga Gjakova jeni të frikshëm. Plus që kemi edhe 10 ditë në grumbullim, ku i dihet“, përfundoi Cana duke qeshur.