Portieri i Manchester United David De Gea do të qëndrojë në “Old Trafford”. Gardiani spanjoll i “Djajve të Kuq” është pranë firmosjes së një kontrate të re me gjigantët e futbollit. Prestigjiozja britanike “The Sun” raporton se palët janë pranë zyrtarizimit të marrëveshjes së firmosjes së kontratës së re me pagesë javore prej 354 mijë €. Nëse kjo konfirmohet, De Gea bëhet automatikisht portieri më i paguar në botë.
28-vjeçari është përfolur se do të transferohej në merkaton e ardhshme verore te Juventusi, por informacionet e fundit i kanë prerë shpresat e bardhezinjve për të sjellë në Torino njërin prej portierëve më të mirë në botë.
