Futboll Seria A Sport

JUVENTUSI “ME KOSTO ZERO”/ Ja ylli i Premier League që synon tani

Beppe Marotta ka shkuar tek Interi, por Juventusi vazhdon politikën e vet në merkato, që në vitet e fundit ka qenë shumë produktive për lojtarët me kosto zero. Mjafton të përmendim emra të tillë si Pirlo, Khedira, Dani Alves dhe Emre Can, për të kuptuar rëndësinë e kësaj filozofie pune.

Objektivi i ri për bardhezinjtë është Aaron Ramsey, një sulmues që mund të merret falas, i lindur në vitin 1990. Kontrata e tij me Arsenalin skadon në qershor të vitit 2019 dhe nuk do të rinovohet.

Natyrisht, marrja e Ramsey nuk do të jetë diçka e lehtë për Juventusin, sipas “Tuttosport”, sepse duhet pasur parasysh konkurrenca e klubeve të tjera të mëdha europiane si Barcelona dhe PSG, ndërsa Interi nuk duket në gjendje të garojë për një lojtar me pagë 8 milionë euro neto në sezon.

“Nyja” në këtë rast është edhe ekonomike, pasi, si në rastin e Emre Can, për ta bllokuar Ramsey iu duhet paguar komision i lartë agjentëve të tij.

Në këtë moment, sipas “Tuttosport”, Juventusi, që i ka kontaktuar tashmë të dy menaxherët e Ramsey, është në avantazh të qartë për uellsianin. Kjo, për shkak se mesfushori nuk duket shumë i tunduar nga PSG dhe Barcelona. Dy klubet në fjalë mund të preferojnë të riun De Jong të Ajax.

Te bardhezinjtë, Ramsey, i cili mund të luajë ose në mesfushë, ose si mesfushor-sulmues, do të ishte shumë i dobishëm, sidomos në verë, kur Khedira do të provojë një eksperiencë të re.

Së fundi, sa i përket merkatos së janarit, goditje e mundshme e Juventusit mbetet Todibo, i cili ka shkëlqyer me Toulouse dhe është i gatshëm të lëvizë menjëherë. Në vend të kësaj, Spinazzola bashkohet me problemet fizike të Cancelo dhe Cuadrado, që nuk mund të jenë në dispozicion të trajnerit Allegri.

Related posts

LIVE/ Po luhet ndeshja Chelsea-Sheffield, nis pjesa e dytë. Rezultati 2-0

Delo.autor

PËRLESHJA MES TIFOZËVE/ Reagon FSHF: Situatë urgjente për të rishikuar ligjin e sigurisë

Sadik.Autor

NUK NDALET “JASHTËTOKËSORI”/ Messi me një tjetër rekord, i vetmi lojtar në histori që bën diçka të tillë

Delo.autor

Leave a Comment