Juventusi po përgatitet për ndeshjen e Bergamos, kundër Atalanta-s. Në të njëjtën kohë, për skuadrën bardhezi vjen një lajm i mirë nga infermieria, lidhur me kushtet fizike të kolumbianit Juan Cuadrado, aktualisht në “bokse”.
Deklarata për shtyp, e lëshuar nga “Zonja e Vjetër”, pjesërisht e parashikuar nga Allegri në një konferencë për shtyp, flet për shmangien e operacionit në gju: “Cuadrado po vazhdon terapinë konservatore, me disa përmirësime, dhe aktualisht nuk ka indikacione se duhet vijuar me ndërhyrje kirurgjikale”.
Cuadrado, i cili e mori këtë dëmtim gjatë ndeshjes së Ligës së Kampionëve, kundër Young Boys, deri më tani ka luajtur 16 ndeshje dhe ka shënuar një gol në sezonin aktual.