Luftëtari nuk po arrin të bëjë shkëputjen, duke u larguar nga vendet e fundit të tabelës së renditjes. Humbja e fundit me Kamzën padyshim që ka sjellë edhe një situatë më të rëndë në kampin gjirokastrit. Në këto kushte, trajneri Gentian Mezani, e ka kuptuar shumë mirë se skuadra e tij po pëson gola të evitueshëm dhe për këtë në stërvitje ka ndryshuar ”formulë”, duke punuar shumë në repartin e prapavijës, aty ku skuadra ka nevojën më të madhe për t’u përmirësuar.
Parë në këtë këndvështrim, Mezani në stërvitje i ka kërkuar të tijve përqendrim maksuimal, të kërcejnë fortë kur topi krosohet në zonën e tyre.
Ndeshja e radhës është në Korçë përballë Skënderbeut. Të dyja skuadra vijnë nga rezultate aspak të mira dhe në fushën e lojës të gjithë presim që të jetë një ndeshje spektakolare për 90 minuta.
