Presidenti i Kukësit Safet Gjici nuk u shfaq i gëzuar për rezultatin 0-0 të takimit të sotëm Partizani-Kukësi. Për Supersport pas ndeshjes, ai e konfirmoi se Kukësi do të ndërhyjë në merkato në janar.
“I kënaqur me rezultatin? I kënaqur do të isha, po të fitonim.
Mbrojtja nuk pëson gola? Bukur mbrojtja, por kemi probleme te mesfusha. Kishim dy dëmtimte në mesfushë: Chaffik dhe Dzarian. Po të kishim ata të dy do kishim rezultat tjetër sot. Barazimi është mirë prapëseprapë.
Merkatoja? Patjetër që do të ndërhyjmë në janar. Brenda dhjetorit do t’i gjejmë lojtarët e duhur.
Shanset për të marrë titullin e dytë? Ju e dini që e duam titullin. Kampionati është i gjatë, konkurenca e fortë”, u shpreh Gjici.
