Manchester Unitedi do të takohet me Fulhamin në kuadër të xhiros së 16-të në Premierligë duke filluar prej orës 16:00 në “Old Trafford”.
Skuadra e Jose Mourinhos do të kërkojë fitore ndaj skuadrës së Claudio Ranierit, që momentalisht është në pozitën e fundit me nëntë pikë, aq sa kanë Burnley e Southamptoni.
Ranieri e mori drejtimin e Fulhamit para disa javësh në mënyrë që ta shpëtojë skuadrën nga rënia e ligës.
Ndërsa Unitedi pozicionohet në vendin e tetë me 23 pikë, ku në katër ndeshjet e fundit nuk njeh fitore, ka humbur një herë dhe ka marrë tre barazime radhazi.
