Cilat do të jenë lëvizjet e Inter në merkaton e janarit? A do të ketë surpriza në periudhën mes 3 janarit (dita e hapjes së merkatos) dhe 31 janarit?
Pak ditë më parë, drejtori i përgjithshëm i zikaltërve, Marotta, ka thënë: “Mendoj se është e vështirë të gjejmë lojtarët që na duhen ne në merkaton e janarit. Objektivi është të marrim pjesë në edicionin e ardhshëm të Champions League dhe të vlerësojmë organikën që kemi në dispozicion”.
Një mesazh i qartë, me përjashtim të paraqitjes së mundësive që nuk mund të injorohen. Inter, në fakt, mund të punojë për të përmirësuar ekipin duke u përqendruar te dy lojtarë. Janë të dy danezë dhe të dy 22-vjeçarë. Bëhet fjalë për Andreas Christensen (Chelsea) dhe Joachim Andersen (Sampdoria), me këtë të fundit që është një zbulim i këtij sezoni dhe mund të ndjekë të njëjtën rrugë të Skriniar.
Sipas mediave italiane, talenti i bardhebluve ka zgjuar interesin e ekipeve të mëdha të Serisë A dhe thuhet se është një nga të preferuarit e Marotta-s.
