Manchester United i Ole Gunnar Solskjaer do të jetë ndryshe nga ai i Jose Molurinho, kjo edhe për faktin se klubi ka vendosur të ndërhyjë në merkaton e janarit për të sjellë të paktën 3 përforcime për trajnerin e ri, nga një për çdo repart. Përforcimet kushtëzohen edhe nga fakti se skema e re e trajnerit të “djajve të kuq” do të jetë 4-2-3-1.
Sipas të përditshmes britanike “Mirror”, në mbrojtje do të synohet transferimi i lojtarit të kombëtares së “3 luanëve”, Harry Maguire, që luan me Leicester. Ky lojtar është kërkuar me ngulm nga Mourinho që verën e këtij viti, por transferimi nuk u realizua asnjëherë. Në janar Manchester do të tentojë të mbyllë çështjen dhe të sjellë mbrojtësin e qendrës në “Old Trafford”.
Për sulmin, që këtë sezon ka çaluar shumë, synohet lojtari i West Ham, Marko Arnautovic, që konsiderohet i përshtatshëm për skemat e trajnerit Solskjaer. Sulmuesin 29-vjeçar i kombëtares austriake do të ndihmonte më shumë Lukakun në repartin e avancuar, duke parë mungesën e Alexis Sanchez.
