Portieri i Augsburgut, Andreas Luthe, e vazhdoi ndeshjen e kësaj fundjave kundër Bayer Leverkusenit përkundër që e kishte copëtuar gjuhën e tij pas e kishte kafshuar, si dhe e kishte filluar këtë ndeshje me një gisht të thyer.
Klubi i Bundesligës u mposht me rezultat 1-0 për shkak të një goli të shënuar në minutën e 75-të nga Lucas Alario. Për ta shënuar këtë gol, Alario e mposhti portierin Luthe, i cili ishte në dhimbje për shkak se Kevin Volland e kishte goditur atë me gju në fytyre.
“Qafa është ende pak e ngurtë dhe e kam copëtuar një pjesë të gjuhës sime. Por, kjo gjë nuk është aspak problem për mua. Gishti im i vogël tanimë është aq i thyer saqë nuk mund ta lë atë të vetëm”, ka thënë Luthe për Sport Bild.
“Për këtë arsye gjithmonë e lidhi gishtin e vogël me gishtin e unazës. Nuk mund ta imagjinoj të luaj në asnjë mënyrë tjetër”.
Luthe tanimë e kishte fituar reputacionin se i duron dhimbjet për të vazhduar ndeshjet, pasi që gjatë verës kishte zbuluar se ai gjithmonë e mban dorëza të veçanta, pasi që një lëndim i vjetër në dorën e tij është i pashërueshëm.
