Pasi e filloi sezonin e tij të parë me Barcelonën duke e fituar La Ligën dhe Copa del Rey, trajneri Ernesto Valverde e ka filluar sezonin e tij të dytë në Camp Nou me synimin për ta kthyer përsëri formacionin 4-3-3.
Në këtë sistem, Valverde dëshiron që të gjejë vend edhe për Ousmane Dembelen dhe Philippe Coutinhon në formacionin e parë. Francezi, i cili ishte i lënduar për pjesën më të madhe të sezonin të kaluar, luajti në krahun e majtë, ku luante Neymar gjatë viteve 2013-2017.
Ndërsa, Coutinho u transferua gjatë afatit kalimtar të janarit për ta përmbushur hapësirën e lënë bosh nga largimi i mesfushorit e legjendar të klubit katalonas, Andres Iniestas. Megjithatë, kjo taktikë rezultoi të jetë e pasuksesshme.
Ekipi filloi ta ndahet dhe përkundër talentit, Barcelona nuk arriti të sigurojë rezultate mjaftueshëm të mira për të vazhduar me këtë stil, për këtë arsye Valverde e sakrifikoi Dembelen për Arthurin dhe e udhëzoi Coutinhon të luante më përpara.
Fitorja kundër Tottenhamit në Wembley ishte fillimi i një Barcelone më të strukturuar që shkëlqeu edhe pa yllin argjentinas, Lionel Messi, i cili ishte i lënduar. Në vend të tij, Valverde i besoi Rafinhas.
Coutinho dhe Dembele janë dy lojtarët më të shtrenjtë të Barcelonës, por tani që janë kthyer Luis Suarez dhe Messi nga lëndimet e tyre, duket se nuk ka më vend në 11-ën startuese për ta. Arturo Vidal e ka fituar besimin e trajnerit për ta zëvendësuar Arthurin e lënduar dhe Coutinho është duke e pasur të vështirë ta zë një vend në formacion startues.
Në fushë, Dembele vazhdon të bëjë paraqitje të mira përkundër problemeve jashtë fushës. Ai përsëri u vonua për një seancë stërvitore, gjë për të cilën është kritikuar më parë edhe nga trajneri i Francës, Didier Deschamps.
Valverdes do t’i duhet ta zgjedhë një problem të madh nëse ai dëshiron t’u jap mjaftueshëm minuta për të luajtur të gjithëve.
