Masimiliano Alegrin e pret një test shumë i vështirë kundër Torinos, pasi skuadra e Maxarrit iu ka prishur punë shpeshherë bardhezinjve në derbi. Para kësaj sfide, tekniku italian tha:
“Do të jemi kundër një skuadre që ka humbur vetëm tre ndeshje në kampionat gjatë gjithë sezonit. Ata po bëjnë vërtet mirë këtë sezon. Nesër është fillimi i një periudhe shumë të vështirë.
Ne do të duhet të luajmë me energjinë e duhur. Perin do të jetë në portë. De Shiljo do të luajë po ashtu titullar. Kielini do të kthehet në formacion. Mandzukiç dhe Ronaldo do të udhëheqin sulmin”,- përfundoi Alegri.
