Shumë pak veta mund ta mbajnë mend ish-sulmuesin, hungarez të Partizanit, Krisztian Adorjan. Ai është larguar nga të kuqtë, si një lojtar i padobishëm duke bërë vetëm dy paraqitje me fanellën e “demave”.
Por, sot 25-vjeçari, ka bërë një ndeshje për t’u mbajtur mend, pasi në ndeshjen e Kupës së Italisë mes Genoas dhe Entellas, ai ka shënuar për miqtë në minutën e 120-të, të shtesës, duke e çuar ndeshjen në penallti.
Madje ai shënoi dhe penalltinë në “ruletën ruse” të penalltive , duke u kthyer në një “hero” për ekipin e tij. Mbase duke parë këtë paraqitje të hungarezit, në stafin e të kuqve janë bërë pishman që e kanë larguar.