Futboll Sport

PAS SHKARKIMIT TË MOURINHOS/ ​Zidane po shqyrton ofertën e Manchester Unitedit

Ish-trajneri i Real Madridit, Zinedine Zidane, është duke e shqyrtuar mundësinë për ta pranuar ofertën e Manchester Unitedit për t’u emëruar në pozitën e trajnerit, pas shkarkimit të Jose Mourinhos.

Mourinho u shkarkua të martën nga pozita e trajnerit të Manchester Unitedit në sezonin e tij të tretë me klubin anglez, pas disfatës kundër Liverpoolit me rezultat 3-1 në fundjavë. Në 144 ndeshje me “Djajtë e kuq”, Mourinho i ka arritur 84 fitore, 32 barazime , 28 humbje, me më një përqindje prej 58.3 fitoreje.

Bota e futbollit u trondit kur Zinedine Zidane u bëri publik lajmin për largimin e tij nga Real Madridi në fund të sezonit të kaluar. Francezi nuk e ka marrë drejtimin e asnjë klubi këtë sezon dhe tani është i papunë, pasi që nuk dëshironte ta pranonte ndonjë ofertë para se të fillojë sezoni 2019/2020.

Pasi që ish-sulmuesi i Manchester Unitedi, Ole Gunnar Solskjaer, u emërua në pozitën e trajnerit deri në fund të sezonit, Zidane mbetet favoriti për t’u emëruar përfundimisht trajner i “Djajve të kuq” gjatë verës së vitit të ardhshëm,

Ai është duke e shqyrtuar mundësinë për ta pranuar ofertën e Manchester Unitedit dhe burime të afërta me të kanë zbuluar për AS se ai synon të kthehet si trajner sezonin e ardhshëm.

Related posts

Bessa: Rikthimi te Interi? Për momentin mendoj për Veronën

Q.Autor

(VIDEO) Sulmuesi shqiptar shënoi super gol për Milan

Q.Autor

PARTIZANI RREZIKON TË MBETET THATË/ Asani: Kam dy oferta nga Turqia, për të ardhmen vendos më vonë

Delo.autor

Leave a Comment