Dy skuadra me objektiva të kundërt do të përballen këtë të mërkurë, teksa Frosinone e vendeve të fundit do të presë në shtëpi një Milan që kërkon kthimin në Champions League.
Vendasit po zhvillojnë një sezon shumë zhgënjyes, siç tregon fitorja e vetme e marrë në 17 ndeshjet e kampionatit të luajtura deri tani (1 fitore, 6 barazime, 10 humbje). Për më tepër, ata kanë marrë vetëm dy nga 15 pikët e fundit që kanë pasur në dispozicion (2 barazime, 3 humbje).
Fatkeqësisht, faktori fushë nuk është në favorin e Frosinone-s, që nuk ka arritur të marrë asnjë fitore (4 barazime, 4 humbje) para publikut vendas. Në fakt, vendasit kanë sulmin më të keq të kampionatit në ndeshjet e luajtura në shtëpi (6 gola) dhe mbrojtjen e dytë më të keqe (16 të pësuar).
Ndërkohë, Milan është vetëm një pikë larg Lazio-s, që mban vendin e katërt në klasifikim, por paraqitjet e bëra në ndeshjet e fundit kanë ngrritur shumë dyshimë, duke parë se kuqezinjtë kanë arritur të marrin vetëm një fitore në pesë ndeshjet e fundit që kanë luajtur në kampionat (1 fitore, 3 barazime, 1 humbje).
Gjithashtu, skuadra e Gennaro Gatuso-s ka patur shumë ulje-ngritje në transfertë, edhe pse ata kanë humbur vetëm dy nga tetë ndeshjet e luajtura në këtë sezon (2 fitore, 4 barazime, 2 humbje). Milan nuk ka pësuar gol në dy nga tri ndeshjet e fundit të kampionatit që ka luajtur në transfertë.
Frosinone nuk ka fituar asnjë nga shtatë ndeshjet e fundit të kampionatit (4 barazime, 3 humbje). Duke marrë parasysh vetëm ekipet e gjysmës së sipërme të renditjes, Milan ka sulmin më të keq (24 gola) dhe mbrojtjeen pestë më të mirë (19 të pësuar).