Kalidou Koulibaly ishte një nga protagonistët e ndeshjes Inter-Napoli. Jo vetëm për performancën në 80 minuta, sa luajti në fushë, derisa u ndëshkua me karton të kuq, por sidomos për ulërimat raciste, para të cilave ishte viktimë. Ishte pikërisht ky sulm nga tifozët zikaltër, që provokoi nervozizmin e tij dhe pastaj ndëshkimin nga gjyqtari.
Në minutën e 80-të, pas një të verdhe, ai ndaloi një kundërzbritje të Politano. Gjyqtari dha goditje të lirë, por Koulibaly nuk ishte dakort dhe duartrokiti Mazzolenin. Ky i fundit i dha direkt kartonin e kuq. Mbrojtësi i Napolit reagoi në rrjetet sociale, pas ndeshjes, me një “tweet”.
Kjo është ajo, që Koulibaly shkroi: “Më vjen keq për humbjen dhe mbi të gjitha, që i braktisa vëllezërit e mi, por jam krenar për ngjyrën e lëkurës sime: si francez, senegalez, napolitan: njeri”.
Carlo Ancelotti, pas ndeshjes zbuloi se kishte kërkuar tri herë pezullimin e lojës për kort raciste, por kurrë nuk u mor parasysh, duke specifikuar gjithashtu mungesën e qetësisë së lojtarit.
