Këtë fundjavë, Kukësi do të luajë një ndeshje shumë interesante përballë Partizanit në “Selman Stermasi”. Ky takim është i vlefshëm për javën e 17-të të Superligës.
Për këtë 90 minutësh, trajneri Armando Cungu nuk do të ketë të gatshëm Shafik tigroudja dhe Donjet Shkodra, ky i fundit i pezulluar për shkak kartonësh, ndërsa francezi vuan nga një dëmtim.
Gjithashtu mbetet për t’u parë situata në fazën e sulmit, nëse Reginaldo do të rikthehet titullar, apo tekniku do e nisë me Shpehar. Nëse tashmë ka një mënyrë për t’iu afruar edhe më shumë kreut, gjithçka kalon nga fitorja e ndeshjes me Partizanin, kryesuesin e kampionatit.