Te kampionët e Francës, Paris Saint-Germain besojnë se kanë gjetur më në fund një pasues të Thiago Motta. Sipas zërave që vijnë nga brenda klubit parizien, drejtuesin kanë zgjedhur yllin e Zenit St Petersburg, Leandro Paredes si njeriun e duhur për të organizuar gjithçka në mesfushë.
Mediat franceze bëjnë me dije se shumë shpejtë drejtues të klubit do të nisin bisedimet me përfaqësuesit e 24-vjeçarit, e më pas me drejtuesit e Zenit, për të arritur një marrëveshje për transferimin e argjentinasit në “Parc de Princes”. Paredes u transferua te Zenit në verën e vitit 2017 nga Roma, ndërkohë që mesfushori pëlqehet edhe nga Milani.
