Mbrojtësi anësor i Kosovës, Mërgim Vojvoda, ia ka uruar mesfushorit kroat, Luka Modricit, triumfin në garën për Topin e Artë, duke e postuar një foto nga ndeshja që ishte zhvilluar vitin e kaluar mes këtyre dy kombëtareve.
Pas një dekade dominim nga Lionel Messi dhe Cristiano Ronaldo, Topin e Artë këtë vit e fitoi Luka Modrici, i cili sezonin e kaluar e fitoi Ligën e Kampionëve me Real Madridin dhe verës shkoi deri në finale të Kupës së Botës me Kombëtaren e Kroacisë, transmeton Gazeta Express.
Kombëtarja e Kroacisë arriti deri në finale të Kupës së Botës, dhe gjatë rrugës drejt kualifikimit për këtë turne ata u ndeshëm me Kombëtaren e Kosovës. Një foto të bërë gjatë kësaj ndeshje, ku shihet Vojvoda dhe Modrici, kosovari e shfrytëzoi për t’ia uruar Topin e Artë kroatit.
“Urime maestro, @LukaModric10”, ka shkruar Vojvoda mbi një foto të tij dhe Modricit, të bërë gjatë ndeshjes mes Kosovës dhe Kroacisë.
