Dillian Whyte e ka rrahur Dereck Chisorën në një të shtunën në Arenën 02 në Londër, i cili i jep atij mundësi të luftojë ndaj Anthony Joshuas, kampionit të brezave IBF WBA dhe WBO vitin e ardhshëm.
Fitorja e dytë e Whyte ndaj Chisorës të shtunën në Londër nënkupton se boksieri londinez do ta sfidojë për tre tituj të kategorisë së rëndë bashkëkombësin e tij, Anthony Joshuan më 13 prill.
Whyte e nisi furishëm ndeshjen, duke ia dhënë disa goditje të fuqishme kundërshtarit të tij qysh në rundin e parë.
Por me kalimin e kohës, Chisora e kërkoi më shumë fitoren duke mos u zmbrapsur por duke e sulmuar Whyten vazhdimisht.
Whyte, megjithatë, u tregua shumë i kujdesshëm dhe bëri disa goditje fantastike me aperkat kohë pas kohe.
Por, rundi i parafundit, 11, ishte fatal për Chisorën, pasi Whyte e nokautoi dhe e la pandjenja në dysheme.
Ky ishte një rindeshje tjetër mes rivalëve të moçëm, njëri nga Londra veriore e tjetri nga ajo jugore.
Kur kjo dyshe luftoi dy vite më parë, në dhjetor 2016, Whyte doli fitues pas një vendimi kontrovers. Tre gjyqtarët votuan si në vijim: 115-113, 115-114 dhe 114-115.
Çmimi që sonte e fitoi Whyte është mundësia që ai do ta ketë për ta sfiduar kampionin e kategorive IBF, WBA, WBO, Anthony Joshuan.
Në këtë rast, Joshua do të luftonte për t’i mbrojtur të tre brezat.
