Qendërmbrojtësi i Juventusit Leonardo Bonucci beson se Napoli është klubi që mund t’i shkaktojë “Zonjës së Vjetër” probleme në këtë sezon në garën për titull.
Juventusi e mposhti Interi mbrëmë me rezultatin 1-0 në kuadër të xhiros së 15-të në Serie A.
“Juventusi tregoi përsëri se është i uritur, pavarësisht fitoreve në të kaluarën”, ka thënë Bonucci.
“Napoli është skuadra që mund të na shkaktojë probleme më së shumti”.
Me këtë fitore Juventusi tani ka 43 pikë dhe vazhdon të qëndrojë në krye të tabelës së Serie A-së, kurse Napoli ka 32 pikë me një ndeshje më pak.
