Babai i Neymar iu është përgjigjur raporteve mediatike të orëve të fundit, që e vendosin përsëri djalin e tij në rrugën e kthimit te Barcelona. Ai mohoi zërat se agjenti i vetë lojtarit kishte kontakte të drejtpërdrejta me presidentin Bartomeu, në përpjekje për të materializuar operacionin e ribashkimit në “Camp Nou”.
Duke përdorur llogarinë e tij në Instagram, babai i yllit Brazilian të PSG-së i ka konsideruar të gjitha “fake neës” (lajme të rreme). Informacionet e “El Mundo” flisnin për bisedime të avancuara tashmë, të ndodhura në fund të dhjetorit të kaluar, kur Neymar ishte në Brazil.
Kjo media spanjolle shkruajti se vetë babai i sulmuesit është i bindur që “nënshkrimi i Neymar me PSG-në ishte i gabuar”. Babai, edhe në rolin e përfaqësuesit të loijtarit të kombëtares braziliane, nuk i ka kapërdirë dot këto thashetheme dhe ka përdorur rrjetin social për t’i përcaktuar ato si “lajme të rreme” dhe “lajme të çmendura”.