Legjenda e Futbollit italian, Andrea Pirlo, ka publikuar një video në Instagramin e tij zyrtar, ku ai e shijon ditën e diel duke e dëgjuar këngën e titulluar “Anywhere” të këngëtares së mirënjohur shqiptare, Rita Ora.
Pirlo është i pensionuar nga futbolli, ku në të kaluarën ai ka qenë pjesë e skuadrave si Interi, Milani, Juventusi, dhe klubi i tij i fundit New York City FC.
Ish-mesfushori italian është fitues i Kupës së Botës me Italinë në vitin 2006 në Gjermani, dhe njihet për golat e tij nga gjuajtja e lirë.