Mediat e njohura italiane kanë raportuar se Diego Godin ka arritur marrëveshje me Interin, ku do të nënshkruajë një kontratë 2-vjeçare me 6 milionë euro për sezon.
Uruguaiani pritet të largohet nga Atletico Madrid si lojtar i lirë në verën që vjen, pasi nuk dëshiron ta vazhdojë kontratën me klubin madrilen.
Ai do t’i përfitojë 6 milionë euro për sezon, plus shtesat, me opsionin për ta vazhduar kontratën edhe për një vit.
Godin është pjesë e klubit spanjoll që nga vera e vitit 2010, mirëpo skuadra e Diego Simeones ofron vetëm nga një vit kontratë për lojtarët mbi moshën 30-vjeçe, dhe kjo mund ta shtyjë lojtarin që të largohet nga Madridi.
