Blerja e parë e trajnerit Ole Gunnar Solskjaer si drejtues i Manchester United mund të jetë një mbrojtës. Javën e ardhshme skuadra e “djajve të kuq” pritet të zyrtarizojë transferimin e 21-vjeçarit serb Nikola Milenkovic, që aktivizohet në Serinë A me skuadrën Fiorentinës.
Paraqitjet e mira të mbrojttësit të qendrës kanë tërhequr vëmendjen e disa skuadrave “big” në Europë, si Tottenham, Liverpool e Juventus. Por duket se United janë në “pole position” për ta marrë lojtarin, që javën e ardhshme pritet të zbarkojë në “Old Trafford” për vizitat mjekësore.
Sipas të përditshmes britanike “The Mirror” palët kanë arritur një marrëveshje paraprake, me Manchester United që do të paguajë rretjh 30 milionë euro për të marrë shërbimet e lojtarit. Një shuifër që do të nxirrte jashtë loje edhe skuadrat rivale.
Ndërkohë që, në bisedime mund të përfshihet edhe mbrojtësi Matteo Darmian, që nga United do të transferohej te Fiorentina, duke u rikthyer në Serinë A pas disa sezonesh.
