Real Madrid ka fituar 3-1 në ndeshjen e kthimit ndaj Girona-s duke siguruar gjysmëfinalen e Copa del Rey.
Ndeshja e parë kishte përfunduar 4-2 për Los Blancos, të cilët nuk kishin probleme edhe në ndeshjen e kthimit duke fituar me të njëjtën diferencë golash.
Ishte dopieta e Benzema në pjesën e parë që thjeshtoi gjithçka për miqtë. Goli i parë ishte i mrekullueshëm.
Pas pushimit ishte Porro ai që ngushtoi diferencën, por Llorente shuan shpresat e një rezultati pozitiv për vendasit me golin pranë fundit të takimit.
Rezultati përfundimtar i dy sfidave është 7-3 për kryeqytetasit. Një fakt interesant është goli i Marcos Llorente.
Mesfushori ka shënuar dy gola nga dy goditjet e vetme drejt portës këtë sezon për Real Madrid.
