Pikërisht në ditën kur flitej për hetime të mundshme dhe ndëshkime potencialisht në mbërritje ndaj Paris Saint-Germain, mediat kanë publikuar lajmin e bujshëm që ka shtangur të gjithë.
Al-Khelaifi, presidenti i PSG është emëruar si anëtar i Komitetit Ekzekutiv të UEFA-s, duke zëvendësuar administratorin e ri të deleguar të Milan, Ivan Gazidis.
Është media prestigjioze franceze, “L’Equipe” që i ka dhënë zë lajmit, sipas të cilës, konfirmimi zyrtar për detyrën e re të presidentit të PSG do të komunikohet javën e ardhshme në Romë, kur të zhvillohet kongresi i UEFA-s.
