Sulmuesi kolumbian i Sevillës, Luis Muriel, i është bashkuar Fiorentinës si lojtar i huazuar deri në fund të sezonit.
Muriel ka përvojë të gjatë në Serie A, pasi ka luajtur për skuadra si Udinese dhe Sampdoria në të kaluarën, dhe tani do ta bartë fanellën e Fiorës, e cila e ka opsionin për ta blerë atë në fund të sezonit për rreth 14 milionë euro, raportojnë mediat italiane.
Ai do të jetë në Florencë të markurën për t’i kryer testet mjekësore.
Milani ishte shumë i interesuar për të, por ai e refuzoi klubin kuqezi pasi tashmë ia kishte dhënë fjalën Fiorentinës.
