Trajneri Pep Guardiola i ka “shkulur veshin” sulmuesit brazilian Gabriel Jesus, duke i thënë se duhet të “zihet” fort me Sergio Aguero për t’i rrëmbyer vendin e titullarit te skuadra e Manchester City. Trajneri spanjoll ka konfirmuar se sulmuesi argjentinas do të jetë gjithnjë titullar te skuadra e City, duke i thënë Jesus që të kërkojë më shumë nga vetja.
“Kjo është ajo që ndodh në ekipet e mëdha, lojtarët e mirë duelojnë e rivalizojnë mes tyre për të luajtur në çdo ndeshje. Kjo është e thjeshtë. Unë gjithnjë marr vendime për të mirën e skuadrës në momentin e duhur. Kur Sergio mungoi, Gabriel zhvilloi ndeshje të mira, madje edhe më vonë, ndaj unë e lashë titullar. Në ato momente ishte më mirë se Aguero, por kjo nuk ndodh gjithnjë me të”, tha Guardiola.
Më tej, trajneri spanjoll tha: “Kur Aguero është në formë të shkëlqyer do të jetë gjithnjë titullar, ndaj Jesus duhet të luftojë çdo ditë në stërvitje që t’i rrëmbejë vendin në fushë”.