• Home
  • Futboll
  • HENRY KËRKON PËRFORCIME CILËSORE/ Monaco lajmëron afrimin e dytë pas Fabregas, një mbrojtës i…dëmtuar!
Futboll

HENRY KËRKON PËRFORCIME CILËSORE/ Monaco lajmëron afrimin e dytë pas Fabregas, një mbrojtës i…dëmtuar!

Monaco po lëviz në merkato për të bërë sa më shumë ndryshime në skuadër dhe Thierry Henry e di që për të dalë nga kriza ku është futur skuadra duhet përforcime cilësore. E nisën me Cesc Fabgregas dje, dhe sot e vijuan me William Vainqueur.

Klubi nga principata njoftoi se ka arritur marrëveshjen me klubin turk të Antalyasor për huazimin e qendërmbrojtësit deri në fund të këtij sezoni. Vainqueur është 30 vjeç dhe më parë ka punuar me ndihmësin e Henry gjatë qëndrimit të tij te Marseille.

Kjo marrëveshje pritej që të zyrtarizohej më shpejt, por lojtari vuan nga një dëmtim në pulpë dhe drejtuesit e klubit ishin duke hequr dorë nga afrimi i tij. Por, vetë lojtari ka shkuar në zyrat e klubit, aty ku ka takuar drejtuesit dhe iu ka komunikuar se nuk dëshiron të paguhet për sa kohë është i dëmtuar, në momentin që do jetë në urdhrat e trajnerit ai do fillojë të marrë pagën e tij.

Ky vlerësim ka bindur zëvendës presidentin e Monaco, Vadim Vasilyev dhe i ka dhënë miratimin për t’u bashkuar me pjesën tjetër të skuadrës, por fillimisht në një fazë rikuperimi.

Related posts

Juventus krenohet me tituj të vjedhur

Sadik.Autor

11-shja historike e Barcelonës në El Clasico

Delo.autor

Lojtari i Kaljarit merr dënim të lehtë për doping, Jashanica ka shpresë…

Sadik.Autor

Leave a Comment