Jo një ftesë për darkë, siç kishte shpresuar, por një ndeshje në Continassa (qendra stërvitore e Juventusit) me Cristiano Ronaldo dhe fanellën me numër 7 të nënshkruar prej portugezit.
Është kjo dhurata e bërë për tifozen e Juventusit, Elena Di Martino nga kampioni portugez, i cili e goditi rastësisht me një top në fytyrë, duke i thyer edhe hundën.
Elena ka postuar dy foto në profilin e saj në “Facebook”, ku në njërin ka treguar me krenari fanelën e saj të dedikuar, teksa në tjerën shfaqet përkrah Cristiano Ronaldos.
“Dhurata ime për topin, një kampion në dhe jashtë fushës … CR7”.-shkruan tifozja.
“Dashuria” e tyre ndodhi në ndeshjen mes Juventusit dhe Chievos. takim i fituar nga bardhezinjtë me shifrat e pastra 3-0.
