Në konferencën e sotme për shtyp, tekniku i Arsenalit ka pranuar se do të bëjnë 1 apo 2 blerje për t’i ndihmuar pasi kanë krijuar boshllëqe nga dëmtimet.
“Klubi po punon në këtë gjë. Është e vështirë, ju e dini, por unë po punoj me lojtarët tanë dhe mendoj se kemi nevojë dhe do të firmosim me lojtarë të tjerë për të na ndihmuar pas dëmtimeve si Rob Holding, si Welbeck dhe si Hector Bellerin. Ne mund të luajmë me lojtarët që kam tani, por do të firmosim me 1 apo 2 lojtarë që do të na ndihmojmë të rrisim performancën.”
I pyetur rreth Denis Suarez që është lënë jashtë nga ekipi Barcelonës, tekniku ka thënë:
“Nuk dua të flas për çdo lojtar veç e veç. E di që klubi po punon me lojtarë të ndryshëm.”
Në çfarë tipi lojtarësh po shikon më shumë?
“Ideja është që si fillim të gjejmë cilësinë e kjo cilësi të na ndihmojë. Na duhet një lojtar krahu dhe një qendër mbrojtës, Por tani, do të rikthehet Dinos Mavropanos pas dëmtimit dhe mendoj se do ta fus në lojë në ndeshjet e ardhshme.”
