Pasi njoftoi lamtumirën e tij nga Bayern Muncih në fund të këtij sezoni, holandezi Arjen Robben po kërkon një strehë të re. Sipas shtypit japonez, destinacioni i tij i ardhshëm do të jetë Japonia, vendi ku po luajnë para se të dalin në pension mjaft yje, si Andres Iniseta, David Villa, Lukas Podolski etj.
Përkundër përfshirjes së Interit dhe PSV në interesin për këtë futbollist, FC Tokyo duket se është i favorizuar për të siguruar shërbimet e 35-vjeçarit. Arsyeja? Duket se familja e holandezit e sheh pozitivisht një transferim në kryeqytetin japonez.
“Sport Nippon” shkruan se shumë klube japoneze po përpiqen ta tërheqin atë, ndërsa FC Tokio është afër nënshkrimit me Robben. Ky i fundit aktualisht nuk luan dot për një problem në kofshë. Në sezonin aktual holandezi ka luajtur 15 ndeshje me bavarezët dhe ka shënuar 5 gola.
