Eden Hazard duhet të shtyjë debutimin e tij në La Liga me Real Madridin, për shkak të një dëmtimi të pësuar.
Pas testeve te kryera ditën e sotme pas stërvitjes, stafi mjekësor i Realit, ka vënë në dijeni klubin se sulmuesi belg ka një dëmtim në kofshën e këmbës së djathtë. Në këtë mënyrë lojtari do të jetë jashtë për ndeshjen e nesërme kundër Selta Vigos, dhe Zidan duhet të nisë kampionatin pa blerjen më të mirë të kësaj vere.
Sipas disa raporteve ne Spanjë, lojtari mund të mungojë deri në 3 ose 4 javë, dhe do të ishte një problem i madh për madrilenët, të cilët duhet të bëjnë llogaritë, pa njërin nga lojtarët e tyre më të mirë.
Gjithsesi 28-vjeçari do të kryejë teste të tjera mjekësore, për të kuptuar shkallën e dëmtimit, dhe kohën që do t’i duhet për tu rikuperuar.
