Ole Gunnar Solskjaer ka konfirmuar se Manchester United do të firmosë me tre lojtarë në javët e ardhshme. Trajneri norvegjez theksoi se David de Gena, Juan Mata dhe Anthony Martial do të firmosin kontratat e reja në pak ditë.
“Nuk e di fiks sa afër marrëveshjeve jemi, por ne jemi plot besim se do të kemi disa lajme të mira në javët e ardhshme”, tha Solsjkaer.
I pari që do rinovojë është portieri De Gea, të cilit do t’i ofrohet një pagë e majme prej 19.2 milionë paund në sezon. Edhe Martial do të firmosë kontratën e re 5-vjeçare, një lajm i keq për Interin që ishte vënë pas tij për ta siguruar si lojtar të lirë në fund të sezonit, me anglezin që do të zinte vendin e Perisic që po tentojnë ta shesin.
Edhe spanjolli Mata është lojtar i lirë në fund të këtij sezoni sepse i skadon kontrata, por drejtuesit e “Djajve të Kuq” do i paraqesin atij një kontratë të majme që pritet të mos refuzohet nga 30-vjeçari.
Pavarësisht kushteve financiare që do iu ofrojë Manchester United është trajneri Solskjaer që i ka bindur lojtarët të rinovojnë, sepse nën drejtimin e Mourinhos, të tre ishin duke parë për ofertat që ishin në drejtim të tyre.
Pritet që nesër në mbrëmje ta fillojnë të tre ndeshjen si titullar kundër Arsenalit për FA Cup.
