Lidhja mes Masimo Moratit dhe Interit është e përjetshme. Ish-presidenti zikaltër është rrëfyer për disa nga momentet e presidencës së tij. Aventura e tij në krye ka kaluar me momentet të paharueshme, por sigurisht edhe nga ato të vështirat.
Hera e parë zikaltër
“Ka qenë 6 nëntori i 1949, Milan-Inter. Takimi përfundoi 6 me 5. Ihha me babanë dhe vëllanë. Mbaj mend vuajtjen dhe gëzimin në fund. Megjithatë nuk kam kujtime shumë të pastra”
President i Interit
“Idea ka lindur në 1995 dhe ka qenë një ndjenjë e qartë, kupton se u shet njerëzve emocione dhe këto nuk kanë çmim. Nëse do ta kisha menduar në planin e biznesit, do të kisha hapur një dyqan veshjes, do të fitoja më shumë. Me futbollin është diçka tjetër. Mendon se ke fituar dhe do të investosh përvitin tjetër, duke rritur numrin e abonimeve dhe sponsorat. Të gjitha këto nuk ndodhin, por është një detyrim kundër publikut dhe t’I vazhdon ta bësh.”
Shtytja
“Të blija Interin, ka qenë endrra ime për të sjellë 2 lojtarë, Kantona dhe Ince nga Junajtid. Të dytine sollëm, me të parin kemi qenë afër. Kantona kishte personalitet, mendoj se do të kishin qenë rezultate të tjera me të.”
Rekoba
“Kishte të majtën më të bukur që kisha parë. Asnjë gol nuk është banal. E kuptoj se ndonjëherë ngatërrohet lidhja personale me vlerësimin për një lojtar”
Ronaldo
“Ishte blerja që më prezantoi me botën e futbollit. E bëmë në mënyrë të fshehtë dhe të tjerët nuk kuotuan gjë. Nuk isha më një fillestar. E kam dashur gjithmonë shumë, siç më ka dashur ai. Frika më e madhe ishin dëmtimet e tij. Donim ta ruanim, por nuk ia dolëm. Kanë gabuar në përgatitjen e tij gjatë BOtëroroti në Francë me ngarkesa të mëdha mbi gjunjët. Në UEFA ka qenë i jashtëzakonshëm”
Milito
“Për mua ka qenë një mit, ka realizuar diçka të pabesueshme,më ka ndihmuar të fitoj”.
Ibra
“Ishte i veçantë. Prezantohej në mënyrë të veçantë, bënte sikur i përçmonte të tjerët, por ishte një lider. Ishte simpatik, me mua është sjellë gjithmonë shumë mirë. Goli që realizoi kundër Torino-s në 2007-ën është një nga më të bukurit në historinë time si president i Interit”
Murinjo
“Ndonjëherë e zgjedh trajnerin, disa të tjera duhet të tregohesh i zgjuar dhe të shfrytëzosh rastin. Kështu ka ndodhur me Murinon. E pashë të fitonte Championsin me Porton, por më kishte bërë më shumë përshtypje në konferencat për shtyp, se sa në ndeshje. Ka qenë para gjysëmfinales së kthimit: kishte barazuar 0-0 në shtëpi kundër Deportivo-s, duhej të fitonte”. Para gazetarëve tha një gjë fantastike: se nuk mendonte për ndeshjen me Deportivo-n, por për finalen. Dhe nuk e kishte aspak të sigurt. Pasi kam dëgjuar ato fjalë, i kam thënë vetes: ky njeri nuk mund të mos vijë tek Inter”.
Figo
“Më takoi kur isha në plazh, kemi folur në një lokal, në një nga ato tavolina e hekurta I kam thënë: ‘Do të vish?’. Kam marrë një nga ato letrat ku mbahen pastat, kam shkruar shifrën, kam nënshkruar dhe më pas i kam kërkuar firmën edhe atij, i cili e ka palosur letrën dhe e ka futur në xhep.”
Shnajder
“Isha në plazh me djalin tim, që donte të më prezantonte një shokun e tij, menaxher i një lokali buzë detit dhe shumë tifoz i Interit Më tha: ‘President, ju mungon vetëm një lojtar për ta bërë këtë skuadër të pamposhtur. Është Shnajder. E kam ndjekur gjithë vitin, do të na jepte atë shpejtësinë që mund të na ndihmojë për të fituar Championsin’. Dukej eksperti më i madh i futbollit, nuk mund të mos e dëgjoja.
Momentet e vështira
“Nëse duhet të mendoj për zhgënjimin më të madh, atë të vërtetin, mendoj për 5 majin. Nuk mund të fajësohet Gresko: ishte një mbrojtës krahu mes sumë kampionëve. U ndjeva aq keq pas barazimit të pjesës së parë, sa nuk shkova as në dhomat e zhveshjes. Lojtarët ishin të bindur se Lazio do të dorëzohej për të mos i bërë një favor Roma-s. Budallallëqe. Jam ndier keq edhe pas eliminimit në vitin tim të parë kundër Lugano-s në Kupën UEFA. Aty u përballa për herë të parë me realitetin e dështimit. Të ndihmon të kuptosh shumë gjëra”.
