Maksimiliano Alegri do të largohet nga ekipi i Juventusit në fund të sezonit. Kjo sipas të përditshmes “Mundo Deportivo”, e cila ka thënë se sido që të shkojë ketë sezon, fiton apo jo, trajneri italian ka vendosur të largohet nga “Allianz Stadium”.
Alegri ka kaluar një kohë mjaft të mirë me klubin bardhezi, ku ka pasur katër vite të sukseshme duke prekur finalet e Ligës së Kampionëve dhe duke fituar kampionatin. Sipas medieve spanjolle tekniku do të marrë drejtimin e Realit të Madridit ose do të jetë i gatshëm për një aventurë në Premierligë.
Juventus ka një ëndërr, Zinedine Zidane. Është ai lojtari që drejtuesat e klubit torinez po ngulmojnë të sjellin në Itali. Ish-futbollisti francez ka qenë më parë pjesë e Juventusit dhe si trajner ka bërë mjaft mirë duke arritur me Realin e Madridit atë që askush nuk e kishte arritur më parë, fitimin e 3 Ligave të Kampionëve radhazi.
