Partizani është në bisedime me një sulmues nga Gana. Bëhet fjalë për një emër të padëgjuar më parë në vendin tonë, Kuame Karikari.
Mësohet se 26-vjeçari ka kohë që vëzhgohet nga Partizani. Sulmuesi luan në Azerbajxhan për Neftçi Baku. Ai ka një skedë të pasur ku numëron shumë fanella, duke filluar nga Halmstad e AIk në Suedi, e për të vazhduar me Balikeirspor, Haugesund e Al Arabi. Karikari luan si sulmues qëndror por mund të përshtatet edhe në krah. Nëse bisedimet me të dështojnë, atëherë të kuqtë do të shikojnë në “pistën” ballkanase për të gjetur sulmues.
