Futboll Seria A Sport

MERKATOJA NË “FSHEHTËSI” TOTALE/ Leonardo dhe Maldini kanë në dorë yllin e Kosovës

Gonzalo Higuain është kryefjala e merkatos së Milanit. Por, në anën tjetër, drejtuesit kuqezi, nga Maldini te Leonardo, sidomos në sajë edhe të scouting që është duke u zhvilluar nën urdhërat e ish-zbuluesit të Monacos, Moncada – që u afrua te kuqezinjtë nga Ivan Gazidis – kanë vendosur në fokus disa futbollistë të tjerë.

Mësohet se këto muaj është punuar në fshehtësi totale për një futbollist që luan në Belgjikë me skuadrën e Genkut dhe që të gjithë shqiptarët njohin. Bëhet fjalë për yllin e kombëtares së Kosovës, Edon Zhegrova. Sulmuesi i krahut, vetëm 20-vjeç, ka dhënë përgjigje pozitive në sinjalizimet e bëra.

Prej pak kohësh, në sajë edhe të udhëtimeve në Belgjikë, personat që janë pajtuar për të parë nga pranë lojtarin, kanë shkruar në raportet e tyre se futbollisti kosovar, i konsideruar edhe si “Messi i Kosovës”, pëlqehet shumë nga Leonardo dhe Maldini.

Genku e mori nga skuadra e St Trudenit për një shifër të vogël parash, ndërsa tani ka vendosur që do ta shesë vetëm për 4-5 mln euro. Një shifër e konsiderueshme për një 20 vjeçar, por që megjithatë te Milani shihet si investim. Milani ka në dorë futbollistin e lindur në Gjermani, por me origjinë kosovare, ndaj tani pritet vetëm që të bëjë sulmin final.

Related posts

Probleme për Milanin, dy lojtarë kryesorë mungojnë ndaj Napolit

Sadik.Autor

Vijne paratë, Milani merr frymë. Tani rriten shpresat për një marrëveshje me UEFA

Sadik.Autor

Formacioni ndaj Ukrainës, Panucci ndryshon gjysmën e skuadrës

Sadik.Autor

Leave a Comment