Java e 23-të e Premier League është hapur me një ndeshje spektakolare mes Wolves dhe Leicester. “Ujqërit” kanë fituar 4-3në shtëpi me një gol në minutën e 93-të.
Vendasit kanë rrezikuar të humbasin një ndeshje që dukej pa histori pas pjesës së parë të mbyllur 2-0 në favor të tyre. Miqtë janë kundërpërgjigjur në të dytën me Gray (47′) dhe kanë barazuar 2-2 me një autogol të Coday (51′).
Portugezi Jota, i cili ka zhbllokuar takimin në minutën e 4-t, ka realizuar golin e tretë për Wolves në të 64-ën, por Morgan ka barazuar për “Dhelprat” 3 minuta para fundit.
Kur mendohej se takimi do të përfundonte në barazim, portugezi ka kompletuar “pokerin” e vendasve dhe ka shënuar golin e tretë personal që ka fiksuar shifrat në 4-3.
Jota është bërë lojtari i parë që nga 1977-ta që shënon tre gola për Wolves në një ndeshje të kampionatit anglez pas John Richards në 1977-ën, i cili e ka realizuar gjithashtu tregolëshin e tij kundër Leicester.
