Presidenti i La Ligas Javier Tebas ka zbuluar se kampionati kryesor spanjoll pritet të ndryshojë mënyrën se si organizon kalendarin e ndeshjeve.
Duke filluar nga shkurti, kampionati do të përdorë inteligjencë artificiale (AI) për të vendosur se kur është koha më e mirë për të luajtur ndeshjet, me sistemin që do të fokusohet te ora dhe datat që do të lejonin klubet të fitonin sa më shumë tifozë në stadium.
Teknologjia gjithashtu do të programohet për të siguruar se La Liga do të luhet në momentet që ka më shumë shikues në televizion.
Tebas gjithashtu ka mohuar se La Liga mund të luhet në Krishtlindje, pasi unioni i lojtarëve është kundër këtij koncepti.
