Manchester United, që nga momenti që Ole Gunnar Solskjaer është ulur në stol, ka ndërruar marsh, duke marrë tetë fitore në tetë ndeshje.
Megjithatë, këto fitore nuk mjaftojnë për të shpëtuar një sezon të nisur në mënyrën më të keqe të mundshme. Ky është mendimi i portierit David de Gea:
“Kemi marrë disa rezultate shumë të mira radhazi, por jemi akoma jashtë zonës Champions dhe shumë larg vendit të parë. Natyrisht, jemi të kënaqur me ecurinë e mirë, por jo me situatën në përgjithësi. Ky është një klub që duhet të luftojë për titullin.
“Gjithsesi, tani po fitojmë besim dhe do të kërkojmë të marrim maksimumin nga ndeshjet e mbetura deri në fundin e sezonit, me shpresën që të bëhemi pjesë e katër vendeve të para në renditje. Do të luftojmë deri në fund, kjo është e sigurt”.