Sergio Ramos dhe Pilar Rubio do të martohen qershorin e ardhshëm. Ende nuk dihet vendi i saktë se ku do të organizohet ceremonia, por duket që ky mister do të zgjidhet shumë shpejt, pasi çifti ka nisur të dërgojë ftesat.
Mbrojtësi i Reali u ka dorëzuar ftesat të gjithë shokëve të tij në qendrën stërvitore Valdebebas, të gjithëve pa përjashtim.
Mësohet se do të jetë një ceremoni plot stil. Tre fëmijët e çiftit, Sergio Jr, Marco dhe Alejandro do të jenë në plan të parë në këtë ditë të madhe. Veshja e Pilarit do të jetë e veçantë e sigurisht nuk do të kalojë pa u komentuar gjatë.
