Një fenomen i çuditshëm është regjistruar në ndeshjen e të dielës, për FA Cup, mes Chelseas dhe Sheffield Wendsdey. Sulmuesi argjentinas, Gonzalo Higuain, i porsa transferuar nga Milan te Blutë e Londrës, debutoi me Chelsean, ku u ribashkua me ish-trajnerin e tij nga kohët e Napolit, Maurizio Sarri, ishte protagonist i atij episodi refuzimi.
Në minutën e 25’ të takimit për FA Cup, arbitri Andre Marriner akordoi një 11-metërsh në favor të Bluve për ndërhyrje të gabuar ndaj kapitenit Azpilicueta.
Si për çudi, ekzekutuesi i përcaktuar i penalltive te Chelsea, braziliani Willian, në vend që t’i drejtohej pikës së bardhë, me topin në dorë, i ofroi mundësinë e ekzekutimit shokut më të ri të skuadrës, të porsambërriturit, Higuain.
Nga ana tjetër, argjentinasi refuzoi ofertën bujare të brazilianit, duke lënë që Willian të transformojë në gol atë 11-metërsh, duke i dhuruar avantazhin Chelsea-s që e fitoi takimin me rezultatin 3-0, por me Higuain që nuk shënoi asnjë gol.
Willian respectfully offering to Higuain the chance to take the PK. Guy is pure class. pic.twitter.com/X4OBAdcl1b
— Give N'Golo (@FPLHazardous) January 27, 2019
