Pas zhdukjes së avionit të Emiliano Sala disa ditë më parë. Policia i ka ndërprerë kërkimet ditën e enjte, duke shtuar se mundësia që ai të jetë akoma gjallë është thuajse zero.
Familja e sulmuesit, i cili po udhëtonte në Uells për t’iu bashkuar Cardiff pas marrëveshjes 20 mln euro me Nantes, kërkon me çdo kusht që të rinisin kërkimet për trupin e tij dhe të pilotit.
Ata kanë hapur një peticion online dhe kushdo mund të dhurojë para për shpenzimet e kërkimeve private.
Shumë futbollistë kanë dhuruar para për gjetjen e tij, por shifra që bie në sy është ajo e mesfushorit të Paris Saint-Germain Adrien Rabiot.
Francezi ka dhuruar 25,000 euro, 1/12 e shumës që duhet për të rinisur kërkimet.