Legjenda e Manchester United Paul Scholes insiston se Jose Mourinho është shkarkuar nga klubi me paramendim.
Mourinho është larguar në mesin e dhjetorit të kaluar pas një starti jo të mirë të sezonit dhe u kompensua me 17 mln euro.
Scholes ishte një nga kritikët më të ashpër të Mourinho-s gjatë dy viteve të fundit.
“Mendoj se Mourinho nuk donte të ishte aty,” shprehet ai. “Ai e ka projektuar në mënyrë të përsosur largimin e tij.
“Konferencat për shtyp ishin të turpshme, negative, dukej që në javët e fundit lojtarët nuk donin të luanin më për të. Në fund ndodhi gjëja e duhur.”
Ish-mesfushori i Djajve mendon se ai filloi të projektonte largimin e tij kur prishi marrëdhëniet me kapitenin e klubit Antonio Valencia, me të cilin Scholes ka luajtur që nga viti 2009 deri më 2013.
“Ai prishi marrëdhëniet me Valencia-n, një nga njerëzit më të mirë në botë. Është e pamundur të prishësh marrëdhëniet me të. Kjo tregoi se kishte diçka që nuk shkonte.”