Juventus dhe Milan do të përballen për finalen e Superkupës së Italisë të mërkurën në 18:30, ndeshja zhvillohet në Arabinë Saudite.
Në lidhje me këtë sfidë është prononcuar mbrojtësi i Juventusit, Alex Sandro që theksoi se Higuain dhe Paqueta janë dy lojtarë tepër të fortë që kuqezinjtë kanë në skuadër.
“Finalet janë ndeshje ndryshe, ne nuk jemi në 100% të formës dhe duhet të jemi të kujdesshëm. Higuain është i etur për të bërë një ndeshje të madhe, ndërsa Paqueta teknikisht është shumë i fortë”, tha braziliani në lidhje me finalen kundër Milanit.
Ndër të tjera Sandro u ndal të flasë edhe për racizmin, “Racizmi ka ndodhur shumë herë edhe me mua, në Brazil dhe në Portugali, por unë bëj jetën time pa e menduar. Sigurisht, ndihem keq sepse është një gjë negative”.
Në fund mbrojtësi tha se ëndrra e tyre për këtë sezon është të fitojnë Champions League: “Champions? Është e vështirë të thuash se është e detyrueshme ta fitosh. Qëllimi ynë është ta fitojmë dhe unë e dua atë”, përfundoi braziliani.
