“Ata të dy janë një nga arsyet që më bindën të zgjidhja PSG-në”. Këto kanë qenë fjalët e Gianluigi Buffon, portieri i Parisit dhe ish-numri një i Juventus, për Neymar dhe Mbappe.
I ftuar në emisionin e Eurosport, “Les Boghoss”, italiani ka folur për eksperiencën e tij në Francë dhe është ndalur te dy talentet e klubit francez.
Buffon nuk ka dyshime në lidhje me shokët e tij të ekipit: “Kylian e njohim të gjithë. Është 19 vjeç dhe ka të gjithë të ardhmen përpara vetes. Gjithçka varet nga ai”.
Në lidhje me më të madhin në moshë, Neymar-in, ai ka thënë: “Ka një klas dhe një talent që nuk e kisha parë kurrë. Flas shpesh me të dhe i them, ‘Dreq, je 26 vjeç dhe duhet ta kishe fituar Topin e Artë deri tani. Nuk duhet të ndalesh vetëm sepse janë Messi dhe Ronaldo. Je po aq i fortë sa ata. Në 5 vitet e ardhshme duhet të fitosh 3. Tre për ty dhe dy për Kylian'”.