Trajneri i Milanit, Gennaro Gattuso, ka insistuar se transferimi i Gonzalo Higuainit në Chelsea nuk është vendosur ende, derisa i pa shpjeguar arsyet e mungesës së argjentinasit në ndeshje e së hënës ndaj Genoas.
Gattuso ka thënë se e ka lënë Higuainin në shtëpi sepse mendërisht ai nuk është në gjendje të luajë ndaj Genoas, transmeton Gazeta Express.
Fakti se emri i sulmuesit argjentinas nuk është në listën e Milanit për ndeshjen e nesërme, sugjeron se kalimi i tij në Chelsea, përmes Juventusit, është i pashmangshëm.
“Asgjë nuk është vendosur akoma, prandaj duhet të flisni me drejtorin e Milanit, Leonardon”, tha Gattuso në konferencë për media.
“Do të jem i sinqertë me ju, që prej së jam këtu, dje ishte njëra prej seancave stërvitore më të këqija te Higuainit. Të gjitha këto fjalë nuk i bëjnë mirë atij. Kam folur me Higuainin. Dua t’i shoh lojtarët që janë mendërisht të gatshëm, dhe Higuaini nuk është për momentin. Nuk jam i zhgënjyer me të, sepse edhe unë kam qenë lojtar. Kam bërë gjithçka që kam mundur dhe ai është sjell shumë mirë tërë kohën”, theksoi ai.
